நான் ரசித்த கவிதைகள்
ஜூனியர் விகடனிலிருந்து கவிதைகள்
கணவரைக்
காணவில்லை என்று
காவல் நிலையம் சென்ற
பெண்ணின்
கற்பைக்
காணவில்லை!
கண்டு பிடித்தால்
அருகில் உள்ள
காவல் நிலையத்துக்குத்
தெரிவிக்கவும்
- S. மாயராஜ், மதுரை.
தமிழக அரசின் அமைச்சரவையில் 10 அமைச்சர்கள்
நீக்கம் செய்யப்பட்ட போது வெளியான கவிதைகள் :
தமிழக
முதல்வரின்
ஜவுளிக் கடையில்
தற்போதைய
தீபாவளி
தள்ளுபடி -
'பத்து' பர்சண்ட்
- தி.பாலசுப்ரமணியன்
சுவாமி மலை
23 சைபரிலே
10 சைபர் போச்சு....
மீண்டும்
1 சைபர் சேர்த்ததாலே
என்ன தான் ஆச்சு?
கூட்டிக் கழிச்சுப் பார்த்ததிலே
குழப்பமாகிப் போச்சு - நம்ம
தமிழகத்தின் மதிப்பு இப்ப
என்னதான் ஆச்சு?
- V.முரளிதரன், சென்னை.
பட்டுப்புடவை,
பட்டாசுகளின் விலை,
பாமாயில் பற்றாக்குறை,
தலை தீபாவளியைக் காசாக்கும்
மாப்பிள்ளைத் தரகர்கள்
முன்பணம் வாங்கியும்
முடியாத போது
சே ! ....பேசாமல்
நரகாசுரனே ஜெயித்திருக்கலாம் !
கருத்துகள் இல்லை:
கருத்துரையிடுக