தமிழ் கவிதை ப்ரியன்: நான் ரசித்த ட்வீட்டர் காதல் கவிதைகள்

நான் ரசித்த ட்வீட்டர் காதல் கவிதைகள்

அழகென்று
சிறப்பாய்
எதுவுமில்லை
பிடித்தவர்களின்
கண்களுக்கு முன்னே..
யாவும் அழகே.

- நீர்ப்பறவை@pithamagal

வெண்நிற வலம்புரி சங்கில்

சுழலுதடி
கன்னங்கரிய பூமி பந்தாய்
உன் கருவிழி..!

#அமுலுகுட்டி

நானே விரட்டினாலும்

தேடி வந்து

ஒட்டிக்கொள்ள வேண்டும்

நேசிக்கும் உறவானது..

-இம்சை பொண்ணு@swt_queen

உன் நினைவுகளில்

நிரம்பிய இரவின்

கொள்கலன் சொல்லிப்போனது ..

இந்த விடியலும்

அவன் உரித்தானதென்று

#இவள்_420

உனக்கு பிடிக்கும் இடத்தில்

நான் இல்லை என்றாலும்

நான் நினைக்கும் இடத்தில்

நீ மட்டுமே

#Nathan

மனதை
கொத்திப்போடும்
மரங்கொத்தி (அவள்).

#இவள்_420

நேரம் போவது
தெரியாமல் பேசுங்கள்
நேரம் போக வேண்டும்
என்று பேசாதீர்கள்

-Shenbagum@shenbacute

நீங்கள் தரும்

ஒவ்வொரு வலியினை மறைக்க....

தினமொரு புன்னகை முகமூடி தேவைப்படுகின்றது...!

-Gowshh

என் எதிரில் இருக்கும் தருணங்களில் பேச இயலா
மவுனங்களை பரிசளிப்பதில்
கெட்டிக்காரி நீ..!!

- வசந்தகாலப் பறவை

இதழில் வாங்கியதை

கன்னத்தில் தருகிறாள்

காதல் கடன்காரி.
- யாதுமானவன்

காதலென்று

எதைச் சொல்கிறீர்.

கூடி உண்பதையா,
கூடித் துயில்வதையா.
காதலென்பது
கூடித் தொலைவது
கூடித் தேடுவது
- யாதுமானவன்

உனது நேரத்திற்கு

எனது நேரங்கள்

காத்திருக்கின்றன

எப்போது வருவாய்
என் நேரக்
கோப்பையை நிரப்ப

- யாதுமானவன்

நின்று நிதானித்து

ரசிக்கிறேன்

அவள் அவ்வளவு
சிறிய பூ.

- யாதுமானவன்

சேலையுடுத்திய

பட்டாம்பூச்சிகளின்
அணிவகுப்பு போல்.

- யாதுமானவன்

எவளிடமும் உன்

சாயலைத் தேடுகிறேன்

தூக்கத்திலும் மார்காம்பை
தேடும் மழலையைப் போல

- யாதுமானவன்

நீ நீயாக

நான் நானாக
நம்மை நாமாக மாற்றட்டும்
இந்த காதல்.

எனக்கு பிடித்தவை எல்லாம்

உனக்கும் பிடித்துப்போக
உனக்கு பிடித்தவை எல்லாம்
எனக்கும் பிடித்துப்போக
இறுதியில் அவை நமக்கு
பிடித்தவையாக மாற்றுகிறது
இந்த காதல்.!